Ég er fæddur og uppalinn í Kópavogi og ólst upp á Kársnesi og í Lindunum þar sem ég er búsettur í dag. Ég lagði stund á íþróttir frá unga aldri en megináhersla mín var á fótboltann og æfði ég með Breiðablik upp í meistaraflokk. Ég er stúdent frá MK en að honum loknum hef ég einkum unnið á leikskóla, á sambýli fyrir fatlaða og í grunnskóla sem stuðningsfulltrúi. Allir þessir vinnustaðir eru í Kópavogi og tel ég að í gegnum atvinnu mína og það að ég hef búið í bænum alla mína tíð skili sér í mikill þekkingu á bænum og fólkinu sem þar býr.

Sambýliskona mín er Ásthildur Lára Stefánsdóttirog eigum við sama eitt barn og annað á leiðinni núna í febrúar. Ég legg mikið upp úr bættri þjónustu við barnafólk í bænum og er mér sérstaklega hugleikin aukin áhersla á leikskólamálin og að börn komist fyrr inn á leikskóla. Þá ermér umhugað um góða þjónustu við fatlað fólk og mun ég líka leggja áherslu á það. Hvað varðar skipulagsmálin þá vil ég bættar almenningssamgöngur og styð samgöngusáttmálann eindregið og vil að Borgarlínan um Kársnes verði að veruleika. Þá vil ég leggja sérstaka áherslu á íþróttamálin, lýðheilsu og geðræktarmálin ekki síst nú í kjölfar Covid.  

Mér er annt um Kópavog og tel mjög mikilvægt að Sjálfstæðisflokkurinn sé áfram leiðandi afl í bænum. Ungt fólk þarf að vera áberandi fyrir flokkinn að mínu mati í næstu kosningum og vil ég leggja mitt af mörkum til þess að ýta undir góðan árangur flokksins.

Virðingafyllst, 
Hermann Ármannsson

hemmi34@gmail.com